Mero Iglesias presentou no Círculo Saviñao o seu libro “Catálogo do cantar de cego galego”, que forma parte dun proxecto moito máis amplo dedicado a documentar e catalogar esta mostra da música tradicional, unha das obras máis importantes publicadas nos últimos anos sobre o patrimonio dos cantares de cego de Galicia. Acompañaban a Mero Iglesias, dúas compañeiras de “A Quenlla”, Tania e Paloma.
Mero Iglesias no Círculo Saviñao 2026
Mero é un vello amigo e colaborador do Círculo Saviñao. Foi fundador do afamado grupo “Fuxan os Ventos” en 1972 e tamén de “A Quenlla” en 1984. Con máis de 14 discos publicados, leva décadas recopilando tradición oral galega (cantigas, lendas, romances, crímenes, coplas, chistes…) . En 2007 depositou no Museo do Pobo Galego máis de 15.000 documentos, grabacións e materiais etnograficos fruto do seu traballo de campo e que son dun enorme interese porque recupera moitos textos inéditos de distintas partes de Galicia e axuda a preservar un patrimonio oral que prácticamente desapareceu
durante o pasado século.
“Foi un acto entrañable e moi ameno, con actuacións en directo de Mero, Paloma e Tania musicando poemas de amigo de Martín de Pradocelos (século XI) e de Bernardino Graña, entre outros, que os asistentes valoraron e aplaudiron”, destacan desde o Círculo Saviñao.
Mero Iglesias no Círculo Saviñao 2026
