Comeza a terceira edición do Vendaval, mostra de cinema portugués na Ribeira Sacra que se desenvolve do 25 ao 30 de agosto con programación en diferentes espazos da comarca (Sarria, Bóveda, Sober e O Saviñao). Proxeccións, encontros con cineastas, coloquios, formación, concertos e sesións DJ conforman unha proposta que ten como obxectivo levar o cinema a novos espazos e favorecer o encontro. Todas as actividades son de balde.
Nesta xornada inaugural do martes 25 de agosto o foco estará nos efectos da xentrificación e as dinámicas urbanas contemporáneas a través de catro curtametraxes:
Bad for a moment (Daniel Soares, 2024): Unha ficción onde o equipo dun estudio de arquitectura se confronta coa realidade social dun barrio en pleno proceso de xentrificación. A proxección contará coa presenza da actriz Ana Vilaça.
STOP – Salas de ensaio para um materialismo histórico (Jorge Quintela, 2025): Ensaio documental sobre a transformación do histórico Centro Comercial Stop do Porto dende a crítica materialista. Contará coa presenza do seu director, Jorge Quintela.
- Maio (Claudio Carbone, 2025): Un íntimo relato da presión institucional e a precariedade que viven as persoas residentes do barrio autoconstruído 6 de Maio en Lisboa.Cães que ladram aos pássaros (Leonor Teles, 2019): Acompaña a Vicente nun Porto transformado polo turismo e a especulación durante as súas vacacións escolares.
O programa completo de actividades pódese consultar na páxina web do evento.
