A Casa da Cultura de Chantada acolle ata o 30 deste mes de setembro unha exposición de fotografía sobre o Mosteiro de Oseira. A mostra ofrece a particular mirada que ofrecen sobre o mosteiro, 18 autores da Asociación Fotográfica O Potiños.
Tamén na Casa da Cultura de Chantada pódense inscribir durante este mes as persoas interesadas en asistir a unha nova representación do Centro Dramático Galego. O 3 de outubro ás 18:00h no Salón Teatro de Santiago de Compostela represéntase a obra A gaivota. Ensaio aberto.
O programa de mobilidade do Centro Dramático Galego, Subes ao autobús do teatro?, habilita un autobús desde Chantada que sairá da Praza de Galicia ás 15:10h e fai unha redución no prezo da entrada, podendo asistir por 5€. As prazas son limitadas polo que é necesaria inscrición antes do 30 de setembro, debendo acudir á Casa da Cultura de Chantada ou chamando aoteléfono 982 441 752.
