A Escola Municipal de Música de Sober abre a matrícula para o curso 2026-2027 cunha ampla oferta educativa e preparación para as probas de acceso ao conservatorio.
Na devandita escola poderase facer: Música e movemento (a partir de 3 anos), linguaxe musical, grupos instrumentais, banda ou coro infantil, coro berea e combo instrumental. No que respecta a instrumentos, ofrécese formación para os seguintes: frauta traveseira, clarinete, trompeta, trompa, trombón, tuba, percusión e piano.
Ás clases serán no Centro Sociocultural de Sober e para obter máis información recoméndase contactar nos teléfonos 982 460 513 e 617 551 299.
A POBRA DO BROLLÓN
En outubro comezará o novo curso da Escola Municipal de Música Samoeiro do Concello da Pobra do Brollón. O prazo de matrícula abriuse este mércores 16 e alongarase ata o 29 de setembro, podendo inscribirse a través da sede electrónica ou presencialmente na Biblioteca municipal de 10:30 a 13:00 h (Tel. 982 430546). O prezo por curso completo dunha materia son 110 € ao ano, e de incorporar máis materias 60 € adicionais por cada unha.
Ademais, este ano haberá dúas xornadas de portas abertas da clase de iniciación á música tradicional (gaita e percursión), impartidas por Álvaro Candal e dirixidas a nenos e nenas de 8 a 16 anos para que poidan probar sen compromiso. Faranse os xoves 1 e 8 de outubro de 18:00 a 19:00 h.
O comezo do curso será o 1 de outubro, agás os cursos de canto e pandeireta así como tamén baile tradicional, que comezarán o día 19 de outubro.
PROFESORES E HORARIOS
