A desconfianza, nova produción de Rebuldeira Teatro, preséntase ao público este domingo na Casa da Cultura de Sarria sendo ademais o espectáculo que abrirá a programación adulta da V Mostra de Teatro Iván Tourón Morais.
A desconfianza está formada por catro pezas breves conectadas por un mesmo fío condutor, con textos de Rubén Pérez Pombo e Avelino González. Catro historias que parten de situacións diferentes pero que dialogan entre si arredor dun elemento común: a desconfianza.
OUTRAS PROPOSTAS NA AXENDA DA PROGRAMACIÓN ADULTA DA MOSTRA
A vindeira proposta será o 27 de setembro, Juana I de Castilla, de Teatro Camino Escena Norte, e o 4 de outubro poderase ver Abra da Cabra, de Lila Teatro.
A programación continuará o 11 de outubro con O meu pai naceu o mesmo ano que Mick Jagger, de Tarabela Creativa, e seguirá a seguinte semana con As alumnas, de Culturactiva Sociedade Cooperativa Galega, o 18 de outubro.
A programación completa, financiada polo Concello e a Vicepresidencia da Deputación de Lugo, pódese ver na páxina web do Concello de Sarria.
