Este proxecto de cineclub, organizado polo equipo do Ateneo Casino, baixo a coodinación do xestor cutural monfortino, Maro Carretero, volverá contar ca colaboración un ano máis do Festival de Cine Fantástico e de Terror (Fancine de Lemos) e o Colectivo Nordés.

Esta nova edición contará con algúns cambios, desde unha pequena modificación dos horarios das proxeccións para facilitar a asistencia dos traballadores, cambios na programación e a incorporación de novos colaboradores.

A organización lembra o carácter comunitario co que naceu esta actividade cultural, que pretende poñer en valor a visualización compartida de cine en sala, retomando e reforzando a idea de cine como un acto para encontro e o debate entre os espectadores. “Sempre tivemos moi claro a importancia de experiencias previas, como o referente do Cineclube A Calexa, polo que incluimos no nome do proxecto a forma coloquial Cineclube, vinculandoo directamente á palabra Ateneo, palabra que define moi ben a intención firme por xerar un espazo vivo para o ecnontro intelectual e artítistico da cidadanía local”, explican.

Nesta edición contarase coa participación de persoas cinéfilas, abrindo tamén a selección da programación a outras persoas e colectivos que conciben o audiovisual como unha ferramenta útil na procura de fomentar o diálogo e actitude crítica. Mantense a iniciativa de realizar cine-fórums, coma a proxección deste vindeiro venres, que contará ca participación de varios socios
da cooperativa de Banca Ética Fiare, que achegarán aos asistentes a súa experiencia nesta entidade con carácter social.