300 palilleiras daranse cita o sábado 2 de xuño na Praza das Hortas do Seminario de Lugo coa intención de dar a coñecer o oficio, dinamizar o turismo, impulsar a artesanía e dinamizar a economía.

A mostra, organizada pola Deputación de Lugo en colaboración co Concello de Lugo, dará comezo ás 10 da mañá. Todos os visitantes que se acheguen ata a zona, poderán gozar dun arte que xa existía no século XV e que dende as diferentes asociacións e voluntarios, xunto con organizacións políticas, deséxase seguir con esta tradición.