Os montes de Pombeiro acollerán o vindeiro domingo 11 de agosto unha proba que promete ser espectacular tendo en conta a contorna e o percorrido.
Está organizada pola “Asociación Veciñal da Virxe das Neves” e constará de dous formatos en función da distancia do percorrido, un longo de 45 quilómetros e outro máis curto de 25 quilómetros.
A organización comunicaba esta semana un atractivo máis para o evento, a participación na proba dun deportista de élite nas competicións de BTT, o monfortino Estefan González Exposito, actual representante de Galicia no campionato de España.
Este mércores 7 de agosto é o último día para inscribirse, e todo apunta a que se superarán os 60 participantes sumando as dúas modalidades ou formatos da proba.
A saída da ruta será no Campo do Rigueiro de Pombeiro ás 9:30 h.
