Nunha das competicións de motor máis complicadas e arriscadas do mundo, participar e chegar á meta é xa un logro de moito mérito.
Pois ben, Eduardo Iglesias quedou clasificado no posto 53 dun total de 142 motoristas que había na grella de saída. Un resultado moi bo que chega no seu segundo ano de participación e nunha das edicións máis dificultosas por diferentes motivos.
Segundo comentan dende o seu gabinete de prensa “Foi un Dakar máis duro e esixente que o do ano pasado pero tamén Eduardo estaba mellor preparado fisicamente e a moto respondeu perfectamente en todo momento”.
Entre os corredores españois de motos que participaban, un total de 17, Eduardo Iglesias quedou 10º, moi boa marca tamén para o monfortino.
