Este domingo 21 de marzo, nas pistas de atletismo do Centro Galego de Tecnificación Deportiva de Pontevedra as atletas da Gándara acadaron o éxito ao traer tres medallas do Campionato Galego de 3000m.
Carlos López, cun tempo de 8:48 acadou o ouro na categoría sub20, María Cedrón acadou o ouro cun tempo de 10:28 na categoría de sub23 e Carmen Martínez acadou o bronce cun tempo de 10:46 na categoría sub20.
“Remata así unha tempada de inverno chea de éxitos para estos atletas da Gándara, despois de ser convocados coa selección galega e participar nos campionatos de España, proclamarse campions galegos é un orgullo para un Club como A Gándara” afirman desde a directiva do Club.
“Para un Club pequeno como o noso, estos atletas son un referente e un exemplo para as nenas e os nenos da nosa Escola de Atletismo, poder adestrar ao seu lado é unha motivación máis,” conclúen.
