Durante o mes de maio e a primeira quincena de xuño o Club Voleibol Ribeira Sacra organiza unhas xornadas de portas abertas e totalmente de balde para que as cativas e cativos que superen a idade de sete anos poidan iniciarse e probar na práctica deste deporte.
As xornadas será impartidas polas adestradoras Yoraxy Melan, Laida Alvarado e Maite e realizaranse no Pavillón da Pinguela de Monforte. No que respecta aos horarios, serán estes en función das categorías:
Benxamín e alevín; martes e xoves entre as 17:00 eas 18:30 h.
Infantil; martes e xoves entre as 17:00 e as 18:30 h.
Cadete e xuvenil; martes entre as 18:30 e as 19:45 e os xoves entre as 17:00 e as 19:00 h.
Dende o club garanten o cumprimento dos protocolos Covid19 e ofrecen un email e un teléfono de contacto para pedir máis información e inscribirse: info@cvribeirasacra.es / 626672435
