Quixós, segundo por equipos no Campionato galego de descenso do Barco

Espectacular balance do club monfortino de piragüísmo a nivel galego e moi bos resultados tamén nas outras competicións a nivel nacional nas que participaron esta fin de semana.

Ximena e Noa, campiona e subcampiona galegas. Foto: Quixós

O sábado 15 tiña lugar no Barco a Copa de España na modalidade de Sprint e o Quixós pechaba a xornada con dez medallas: Noa 2 medallas de ouro en K1 e C1 cadete; Ximena 2 de prata en K1 e C1; Efrén 2 de prata en K1 cadete e C1 junior; Claudio foi ouro en C1 junior; Gabriel ouro en K1 junior e bronce en C1 junior; e Carlos Serafín foi medalla de ouro en K1 veterano.

E este domingo, 16 de maio, outra gran xornada para os/as piragüístas monfortinos/as na Copa de España de descenso Clásica individual e no Campionato Galego de Clásica.

Na Copa de España Clásica individual as medallas foron as seguintes: Ximena foi ouro e Noa prata en K1 cadete; Gabriel foi ouro en K1 junior, Efrén ouro en K1 cadete. Preto delas quedaron Claudio, que foi 4º en C1 senior e Carlos Serafín que foi tamén 4º en K1 veterano.

Carlos Serafín en acción. Foto: Quixós

E xa no Campionato galego modalidade Clásica o Club Quixós quedou subcampión por clubes e no aspecto individual 6 foron os metais acadados: Carlos Serafín foi bronce en K1 veterano, Claudio prata en C1 senior; Ximena, Gabri e Efrén obtiveron sendos ouros nas súas respectivas categorías e Noa unha prata.

DEIXAR UN COMENTARIO

Please enter your comment!
Please enter your name here