O pelotón era recibido na cidade do Cabe por multitude de seguidores que viron como gañaba Magnus Cort. O pelotón percorreu 12 concellos da provincia de Lugo na súa 19ª etapa, pasando por Negueira de Muñiz, A Fonsagrada, Baleira, Castroverde, Lugo, Láncara, O Páramo, Sarria, O Incio, Bóveda e rematando na capital da Ribeira Sacra.

O Concello de Monforte investiu 60.000€ nesta proba deportiva, entre a dotación de servizos para o bo desenvolvemento da proba e a mellora das infraestruturas. “La Vuelta promociona o patrimonio cultural e natural de Monforte e supón unha proxección internacional e en promoción turística dun valor incalculable. De xeito directo, a reactivar a actividade en sectores tan castigados pola crise como a hostalería, o turismo ou o comercio local nas localidades polas que transcorre,” sinalan desde o concello.

José Tomé, subliñou  que “como Alcalde de Monforte e Presidente da Deputación de Lugo, a chegada da Vuelta á nosa provincia e con final na nosa cidade supón unha promoción de primeiro nivel a nivel mundial. A xornada foi un éxito rotundo e quero agradecer ós monfortinos e monfortinas a súa colaboración e implicación,  e que se volcaran co final de etapa porque as rúas estaban ateigadas de xente. Creo que hoxe foi un día histórico para Monforte e para a Ribeira Sacra, e agardamos que nalgunha outra ocasión poidamos volver a disfrutar nas nosas terras do espectáculo do ciclismo a través de La Vuelta”.