HomeDeportesFamiliarizándose co baloncesto

Familiarizándose co baloncesto

O equipo babybasket do club baloncesto Monforte desprazouse ata Maside para gozar da segunda concentración da tempada. Xogaron dous partidos ante Allariz e foron agasallados ó final da concentración por parte da organización, que correu a cargo do CB Maside e a Delegación Ourensá de baloncesto.

Publicado o

POR
Redacción
- Advertisement -

Na categoría babybasket non hai marcador, o propósito é que os máis cativos se vaian familiarizando co deporte do baloncesto. No resto de categorías, Alevín descansou, en Benxamín xogouse o encontro ABO 29 – 18 Val de Lemos. Un partido moi disputado que se decidiu por pequenos detalles a favor do equipo local, que partía como favorito pero que viu como os monfortinos non deixaron nunca de loitar e crer na victoria.

En Infantil, Val de Lemos 60 – 10 Bball Ourense. Os monfortinos xogaron un partido moi serio e sumaron unha nova victoria, que o mantén na primeira praza, igualado co COB Ourense, próximo rival nos dous seguintes e a priori emocionantes partidos.

En Cadete, Val de Lemos 50 – 60 Depordima. Un frouxo arranque condicionou o partido para os de Monforte. Pese a iso, o bo traballo do equipo nos seguintes cuartos fixo que se chegase con opcións de culminar a remontada, pero o equipo visitante controlou a súa ventaxa e acadou a victoria.

En Junior, Abrente Val de Lemos 50 – 48 Maristas. Meritorio triunfo do equipo junior, xa que contaba con pouca rotación debido ás baixas por lesión. O encontro estivo igualado, con moita alternancia no marcador. Nuns intres finais moi emocionantes, os monfortinos foron máis eficaces de cara ó aro e acadaron a victoria.

E en Senior, CB Alaricano 74 – 66 Abrente Val de Lemos. Comezo da segunda fase e partido no que ó descanso, os monfortinos caían por 36-22, pero que tralo paso por vestiarios, e grazas ó bo facer do equipo, entraba igualado no tramo final (60-60). O maior acerto local fixo que a victoria quedara en Allariz.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...