O Club Korbis viviu unha fin de semana para lembrar proclamándose campión autonómico por partida dobre. O sábado, en San Sadurniño, o equipo infantil masculino vencía en semifinais por un claro 3 a 0 ao Club Voleibol Vigo. A final foi un partido de infarto con continuas alternativas no marcador para que no quinto e definitivo set lograsen vencer ao Club Boiro Voleibol por 18-16.
O domingo na casa, o equipo feminino sufriu nas semifinais para impoñerse por 3 a 1 Xuvenil Teis de Pontevedra. Na final contra, as Calasancias da Coruña, as mozas de Juliana realizaron un partido case perfecto para impoñerse por un rotundo 3 a 0. Nomeáronse mellores xogadores dos partidos, Izán Rodríguez no masculino e e Jessica Pérez no feminino.
Estel luns pola tarde os dous equipos ofrecerán os seus títulos á afección nun acto previo á disputa do partido cadete infantil feminino que necesita remontar un 3 a 0 para clasificarse para o campionato galego.
