HomeDeportesO alumnado do IES Río Cabe aspirante a adestrador de fútbol visitou...

O alumnado do IES Río Cabe aspirante a adestrador de fútbol visitou a cidade deportiva do Valencia C.F.

A expedición, conformada polo director, profesores e alumnado do 'Ciclo de Técnico Deportivo en Fútbol' do IES Río Cabe de Monforte de Lemos, visitou na semana do 25 ó 28 de abril do 2022, a Cidade Deportiva do Valencia C.F.

Publicado o

POR
Redacción
- Advertisement -

O alumnado do ‘Ciclo de Técnico Deportivo en Fútbol’ do IES Río Cabe de Monforte de Lemos estivo tres días en Valencia para coñecer a experiencia deportiva do principal club de fútbol da cidade. Foron tres xornadas intensas pero proveitosas segundo nos trasladan fontes do centro escolar.

Na primeira xornada realizaron unha visita ás instalacións e asistiron ao s adestramentos  do Valencia feminino, do xuvenil A e do Valencia Mestalla. No transcurso da mesma un dos momentos destacados foi a charla a pé de campo co corpo técnico do Valencia Mestalla, encabezado por Ángulo (adestrador), Raúl Pérez (2° adestrador) e Sergi Benet (PF). Tamén asistiron á ponencia por parte do departamento de Análise para coñecer ao detalle o seu funcionamento e remataron o día coñecendo os equipos de formación dende os máis pequenos ata o xuvenil B.

Na segunda xornada observaron o adestramento do Xuvenil A do Valencia, acompañados de Miguel Alonso (xefe do departamento de preparación física) e xa, como final da intensa experiencia, na terceira xornada asistiron a dúas charlas de alto nivel: A primeira sobre nutrición deportivo, co especialista Jesús Sanchís: “10 claves sobre alimentación para mejorar la formación del jugador“; e a segunda co corpo técnico do Valencia CF feminino, encabezado por Andrea Esteban, na que se abordaron diversos aspectos do xogo dende as ABP ata a xestión do grupo.

Nesta xornada final, pola tarde interactuaron coa adestradora do feminino B, Natalia García, e o seu corpo técnico antes de coñecer a identidade e Filosofía do club con Urko Cherta.

O alumnado estivo acompañado durante toda a semana polo profesor Gabriel Eiras e o último día por Carlos Parada, Director do centro monfortino. 

Foto de grupo do IES Río Cabe con persoal do Valencia C.F. / IES Río Cabe
Foto co escudo do Valencia C.F. / IES Río Cabe

A Dirección do IES Río Cabe, tras esta interesante e proveitosa visita a Valencia, agradeceu as facilidades dadas polo club, a amabilidade por parte de todos os profesionais da cidade deportiva e dun xeito moi especial a predisposición e o trato de Miguel Alonso.

ÚLTIMAS

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...

Presentada en Monforte a campaña “Monforte en negro contra as violencias”

O Concello de Monforte vén de presentar a súa programación do 25N da man...

Transportes licita por 603.634€ obras para mellorar a seguridade viaria na N-540 e N-120

.O anuncio de licitación foi publicado na Plataforma de Contratación do Sector Público (PLACSP)...