BENXAMÍN: Blanco Amor 21 – 67 CB Val de Lemos, tras un comezo frío de partido, os rapaces e rapazas do equipo benxamín foron entonándose para rematar levando un cómodo triunfo, no que foi o derradeiro partido dunha liga na que o equipo acadou un moi meritorio terceiro posto, demostrando unha gran evolución. Agora tocaralles preparar a Copa Deputación.
ALEVÍN: CB Val de Lemos 39 – 35 Barco, gran partido o que se viviu o sábado no pavillón do Río Cabe, no que o equipo dirixido por Verónica Arias acadou un meritorio triunfo ante o que ata esta xornada era o líder. Os xogadores e xogadoras comezaron con enerxía tanto no ataque coma na defensa, o que lles permitiu coller ventaxa no marcador. Pese ao arreón final dos visitantes, un triple nos intres finais aseguraba a victoria para o equipo monfortino.
CADETE: CB Val de Lemos 57 – 32 Verín, moi bo partido do equipo de categoría cadete, no que era a estrea na Copa Deputación. A gran defensa e o bo acerto de cara ó aro foron determinantes para que a victoria quedara en Monforte.
SENIOR: Abrente Val de Lemos 77 – 71 Xinzo, primeiro partido de Copa Deputación para o equipo senior, que tivo que empregarse a fondo para vencer ós da Limia nun encontro con moitas alternativas no marcador. Pese a entrar nos últimos minutos en desventaxa no marcador, o equipo apretou na defensa e estivo atinado de cara ó aro rival para acadar unha gran victoria.
