O “Gran Premio Master Ribeira Sacra” de ciclismo, que organiza o Club Ciclista Chantadino, coa colaboración da Federación Galega de Ciclismo, de Moto Vuelta e o patrocinio do Concello de Monforte, reunirá a uns 200 ciclistas na cidade do Cabe.

A saída, que será neutralizada, terá lugar ás 11:00 h. dende San Vicente para posteriormente dirixirse a Bóveda, Rubián, A Pobra do Brollón e Sober dende onde se dirixirán novamente a Monforte entrando pola N-120A.

Xa no Concello monfortino, os ciclistas continuarán pola rúa Bo Casar, Ronda Mª Emilia Casas Baamonde, rúa San Pedro, rúa Leopoldo Calvo Sotelo e rúa Lagares ó final da cal os ciclistas encararán a subida a San Vicente, onde estará situada a meta. Estímase que os deportistas crucen a liña de meta en torno ás 12:50 h.

A praza Luís de Góngora, en San Vicente, será o escenario da entrega de premios que terá lugar ao redor das 13:15 h.