O traumatólogo deportivo Adrián Gallego Goyanes interviu ao tres veces participante do Rally Dakar, Edu Iglesias, dunha fractura nas dúas clavículas no Hospital Ribera Polusa de Lugo.

Iglesias sofre unha fractura desprazada cun terceiro fragmento da súa clavícula esquerda para a que o doutor Gallego realizou unha redución aberta e osteosíntese con placa reformada, logrando unha excelente redución da fractura e terceiro segmento.

Para a fractura da clavícula dereita sobre unha consolidación viciosa por fractura previa non intervida realizouse unha redución aberta e osteosíntese “a medida”, xa que non se dispón de placas preformadas para este caso. Desta forma, logrouse unha excelente redución da fractura.