O circuíto comeza no campo da feira e cruza centro histórico polo roteiro xacobeo ata O Malecón. Supón a instalación de máis de 100 módulos de madeira cos que se van conformando os elementos do percorrido -saltos sobrevoando un camión ou coches, cortados desde o tellado dunha casa ou desde unha ponte que cruza un río, descenso sobre unha escalinata de pedra, wallrides -, considerado o mellor do Estado por moitos deportistas, público e prensa.
A área de Deportes da Deputación achega 14.000 euros para a organización da proba, a través dun convenio interadministrativo co Concello de Sarria. Efrén Castro valora o traballo que o club vén facendo por dar continuidade a afección por esta modalidade coa escola de ciclismo, unha alternativa de ocio saudable.
