Un ano máis, o Quiroga Trail Challenge, desta volta co apelido ‘Land’, celebrarase en dúas xornadas. O 24 de febreiro terá lugar o Trail do Castelo, coa Ulta, a proba máis dura, que contará cun percorrido de 90 quilómetros. Outras alternativas son a Ultra de 62 quilómetros, a Maratón de 41, o Trail de 29, o Mini Trail de 17 ou a andaina, tamén de 17.

O domingo 25 de febreiro será o momento do Trail do Lor, coa distancia de Trail, con 29 quilómetros, ou o Mini Trail, de 16. Os participantes poden escoller se participar só un día ou se anotarse nun dos circuitos.

Este 1 de setembro quedou aberto o prazo de inscrición a través da web do Quiroga Trail Challenge. Desde a organización sinalan que “Nas últimas semanas foron moitas as persoas que se puxeron en contacto con nós para preguntar cando chegaría o momento de poder inscribirse. Isto demostra que a proba segue un ano máis en plena forma.”