InicioDeportesA cativada do Xeoparque unirase á celebración do X aniversario do Trail...

A cativada do Xeoparque unirase á celebración do X aniversario do Trail de Quiroga

A organización prepara unha carreira para todos os nenos e nenas dos centros educativos do Xeoparque Montañas do Courel.

Publicado o

POR
Redacción
- Advertisement -

O X aniversario do Quiroga Trail Challenge, que se celebrará o 24 de febreiro, terá unha proba orixinal e festiva para os máis pequenos. Para que se sumen a este evento tan importante, e se sintan partícipes do mesmo, a organización ten xa planificada unha carreira para todos os escolares dos tres centros educativos do Xeoparque. 

Baixo o título de “A carreira dos picariños do Xeoparque”, está previsto que participen un total de 210 alumnos e alumnas, de entre 3 e 14 anos, das etapas de educación infantil, educación primaria e educación secundaria, procedentes dos centros dos tres concellos: o CEIP de Quiroga, o CEIP de San Clodio e o CPI Poeta Uxío Novoneyra.

A carreira contará con varias distancias, adaptadas ás diferentes idades dos participantes, e terá lugar no campo de fútbol de Quiroga o día 22 de febreiro, ás 11 da mañá.

En palabras de Blas Rodríguez, impulsor e responsable do Trail, “queremos promover este deporte nos máis pequenos e, ao mesmo tempo, que comecen a sentir o espíritu QTC como algo seu, da súa terra”.

A organización quere agradecer tamén a “absoluta implicación dos tres concellos participantes“: Quiroga, Ribas de Sil e Folgoso do Courel; así coma a colaboración do Xeoparque Mundial da Unesco e do profesorado que aplaudiu a iniciativa desde o primeiro momento.

ÚLTIMAS

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...

Velada literaria con Pedro Feijoo este 24 de febreiro no restaurante Trespés de Monforte

O escritor charlará sobre a súa última novela "Ninguén contará a verdade" que recibiu...

Avánzase na supresión dos pasos a nivel de Río Seco e Juan Montes en Monforte

Dende a Dirección General de Planificación y Evaluación de la Red Ferroviaria convocouse ós...

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...