O Concelleiro de Deportes, José Manuel Mougán, fixo entrega o pasado sábado 27 de abril das medallas correspondentes ó XV Torneo Val de Lemos Ximnasia Rítmica, competición que se celebrou no Pavillón polideportivo municipal da Pinguela.

Esta foi a décimo quinta edición deste Torneo de ámbito autonómico, que estivo organizado polo Club Quicela, no que participaron, ademais do clube monfortino, clubes chegados de toda a comunidade galega e cun total de 460 ximnastas dos niveis B, escolar, promoción e prebase.

No que respecta ao medalleiro, o Club Quicela acadou un total de 16 medallas. No que respecta a equipos, foron ouro: Iniciación B, Iniciación Escolar, Prebenxamín Escolar e Alevín Promoción; Conseguiron prata: Benxamín Escolar, Cadete Escolar e Infantil Promoción; mentres que Infantil Escolar e Cadete Promoción levaron bronce.

No apartado individual, foron ouro: África Dos Santos, Sofía Rodríguez, Alba López, Alisa Urdaneta, Sara Campos e Desiré Olmeda; mentres que a ximnasta Ana Álvarez levou unha prata.

O evento contou coa colaboración do Concello de Monforte de Lemos.