HomeDeportesIntenso mes de actividade deportiva en Prodeme

Intenso mes de actividade deportiva en Prodeme

A asociación monfortina Prodeme, de apoio a persoas con discapacidade intelectual, levará a cabo unha serie de actividades deportivas en diversas localidades.

Publicado o

- Advertisement -

Este mes de maio a asociación Prodeme levará a cabo unha serie de actividades deportivas en diferentes localidades da xeografía peninsular co obxectivo de promover a inclusión a través do deporte.

As actividades darán inicio o día 11 de maio en Antas de Ulla, onde a asociación participará nun campionato autonómico de campo a través e petanca organizado por Special Olympics Galicia. Máis de cincuenta deportistas da entidade monfortina asistirán ao evento. Paralelamente a esta competición, 5 xogadores pertencentes á asociación, foron convocados polo CD Lugo da Liga Genuine e viaxarán a Burgos co equipo a disputar partidos toda a fin de semana.

A seguinte semana, do 16 ao 19 de maio, seis deportistas da asociación viaxarán a Castellón de La Plana para participar nun campionato nacional de pádel organizado por Special Olympics España. A expedición estará dirixida polos adestradores Manuel Luaces e Belén Pérez.

Xogadores de Pádel co adestrador, Manuel Luaces. Foto: Prodeme.

“É a primeira vez que asistimos a un evento deste tipo e o noso obxectivo é gozar, coñecer novas persoas e avaliar o nivel dos nosos xogadores e das nosas xogadoras con respecto a outras entidades“, comentou Manuel Luaces.

Para pechar o mes de actividades deportivas, do 31 de maio ao 2 de xuño, cinco xogadores da asociación participarán nun torneo internacional de fútbol sala, que se disputará en Aragón, como parte dunha selección galega integrada por xogadores de Prodeme e da asociación ASPAS de Santiago.

ÚLTIMAS

Ferran Centelles: “Delicadeza é o que falta historicamente en España e a Ribeira Sacra ten o potencial de ofrecer eses viños”

Esta cata forma parte dos esforzos da Denominación de Orixe Ribeira Sacra para destacar...

O IES A Pinguela, único instituto de Galicia con FP de calzado e complementos de moda

Do encontro participou o profesorado do IES A Pinguela con empresarios monfortinos do sector...

O 30 de xuño o colexio de Sober celebra o 50 aniversario cun xantar de confraternidade

Ao longo deste medio século de vida teñen pasado polo centro máis de 1.270...

Próximas xuntanzas das Comunidades de Aprendizaxe “Montes de Saberes”

Nestes encontros debaterase e realizarase unha folla de roteiro para que as Comunidades de...