HomeDeportesCampus de Voleibol e de Fútbol en Quiroga

Campus de Voleibol e de Fútbol en Quiroga

O de voleivol leva o nome da excelente xogadora Carolina Camino e desenvolverase do 8 ao 12 de xullo no pavillón municipal. Está aberto a nenos e nenas con idades comprendidas entre os 6 e os 16 anos.

Publicado o

POR
Redacción
- Advertisement -

O Concello de Quiroga poñerá en marcha un ano máis, e xa van 5, un campus de voleibol bautizado co nome da xogadora Carolina Camino, deportista quiroguesa que segue medrando deportivamente. A que foi ata esta tempada xogadora do Arenal Emevé, defenderá a vindeira tempada a camisola do Vandoeuvre Nancy Volley Ball, equipo que milita na Primeira División francesa.

O campus desenvolverase do 8 ao 12 de xullo no pavillón municipal e está aberto a nenos e nenas con idades comprendidas entre os 6 aos 16 anos. No que respecta ao horario, este terá lugar entre as dez da mañá e a unha e media do mediodía.

Ademais de volei, os e as participantes teñen a oportunidade de acudir ás instalacións das piscinas municipais onde os deberán de recoller os pais, nais ou titores.

As inscricións poden realizarse na Casa da Cultura ata o 5 de xullo tendo un prezo de 30 euros incluído o equipamento de cada participante.

CAMPUS DE FÚTBOL DE QUIROGA

O Campus de Fútbol de Quiroga, que xa alcanza a súa XVI edición, celebrarase entre os días 15 e 19 de xullo desenvolvéndose entre o campo de fútbol San Martiño e as instalacións das piscinas municipais. O horario será das dez da mañá á unha e media do mediodía.

Os rapaces que queiran participar deste campus teñen que ter entre 6 e 16 anos e anotarse na Casa da Cultura. O prezo do campus, que inclúe equipamento, será de 30 euros para os participantes das escolas deportivas e de 50 euros para o resto.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...