HomeDeportesDIRT Vila de Sarria, o 13 de xullo no marco do Descenso...

DIRT Vila de Sarria, o 13 de xullo no marco do Descenso Urbano

A Vicepresidencia da Deputación de Lugo colabora co club ciclista DHG na organización do DIRT Vila de Sarria; un certame de saltos que suma alicientes á fin de semana do descenso urbano.

Publicado o

POR
Redacción
- Advertisement -

O DIRT Vila de Sarria é un certame de dirt jumping, unha modalidade caracterizada pola espectacularidade dos saltos e das acrobacias dos participantes sobre os distintos elementos dun circuíto, entre eles, un inchable que se instalará na saída – rúa Marqués de Ugena – adquirido recentemente polo club sarriao coa colaboración da área de Deportes.

O vicepresidente da Deputación de Lugo achegouse esta semana ao campo da feira de Sarria onde os integrantes do club despregaron e probaron este inchable, de máis de catro metros de altura, no que se exhibirán algúns dos mellores especialistas nesta modalidade como Ferre, Cristhian Cardona, Carolo, Héctor Guerra ou Diego Solans.

Efrén Castro valorou “o traballo do DHG que convertiu Sarria nun referente estatal co descenso urbano e que segue sumando iniciativas ao calendario de eventos ciclistas de Sarria, como esta exhibición de salto que reforza o atractivo das probas desta fin de semana” e destacou “o potencial destes eventos para traer xente á vila durante os días en que se celebran e para proxectar a imaxe de Sarria”.

Con este investimento en material, a Vicepresidencia da Deputación de Lugo reforza a colaboración que mantén co club sarriao e co Concello de Sarria na organización de probas ciclistas.

ÚLTIMAS

Premios da XXVIII Cata do Viños da Ribeira Sacra

Este venres pola tarde levouse a cabo a entrega de galardóns da XXVIII Edición...

Máis fondos para mantemento de camiños rurais reclama o PP de Monforte

Os camiños rurais, explican desde o PP; son esenciais para vertebrar e conectar núcleos...

Fin de semana de festas patronais en Oural

A Xunta de Galicia colabora coas festas patronais de Oural, en Sarria, que se...

Carrilanas e xogos tradicionais en Folgoso do Courel

Un ano máis, o Concello de Folgoso do Courel dedícalle unha xornada ás tradicións...