A fin de semana do 8 e 9 de febreiro tivo lugar na freguesía de Covas, no municipio portugués de Vila Nova de Cerveira, a 2ª competición da proba coñecida como Taça Ibérica de Slalom (Copa Ibérica de Slalom) no río Coura.
Ata alí desprazouse unha expedición do Club Quixós que fixo unha moi boa competición chegando ao domingo con bastantes deportistas clasificados para a final. Na xornada dominical decidíase todo e o club monfortino acadou subir ao podio 7 piragüistas o que lle reportou tamén o terceiro posto por equipos.
O primeiro posto foi para o Club Tea de Mondariz Balneario, o Aventura Marao Clube foi segundo e o Club Quixos quedou terceiro.
MEDALLEIRO INDIVIDUAL
As mulleres volveron tirar do carro das medallas, como na 1ª competición da Copa Ibérica da pasada fin de semana en Mondariz-Balneario. Sara Inés Varela acadou 2 ouros, en K-1 e C-1 cadete, e Nerea Gutiérrez volveu para Monforte cunha prata, en K-1 junior, e un bronce en C-1 junior.
As outras 3 medallas foron para Diego Expósito, bronce en K-1 junior; Santi Díaz, prata en K-1 veterán, e Pablo Atrio, bronce tamén en K-1 veterán.
