Unha delegación do Club de Piragüismo Quixós desprazouse este domingo ata terras potevedresas, concretamente ata a praia de Cordeiro, en Salvaterra do Miño, para competir na 1ª Copa Galega de Promesas Slalom.
O circuíto deseñado para a ocasión, no río Tea, non era moi dificultoso e notouse na relativa facilidade coa que descenderon os e as participantes. Do club monfortino os competidores foron todos homes, non tendo representación feminina actualmente nestas categorías inferiores.
MEDALLEIRO
O Quixós volvía a Monforte con 7 medallas no apartado individual e un 2º posto por equipos detrás do Club Deportivo Miño-Os Teixugos.
Manuel Rodríguez Pérez acadou unha prata en C1 alevín, e un bronce en K1 alevín.
Antón Liñares levou un ouro en C1 alevín, e unha prata en K1 alevín.
Xoel Fernández Méndez tamén tivo un ‘dobrete’, pero de pratas. Unha en C1 infantil e outra en K1 infantil.
Finalmente, Breixo Fernández Méndez, acadou un ouro en K1 benxamín.
