O Concello de Monforte vén de anunciar as 30 candidaturas que se presentaron para participar nalgunha das 10 categorías do “Concurso de Premios ao Deporte 2025”. O xurado terá agora que elixir ás mellores persoas deportistas, adestradoras, árbitras e Clubs do ano 2025.
O obxectivo, segundo palabras do Alcalde “é poñer en valor os resultados e o traballo que desenvolven atletas e clubs da nosa cidade ó longo do ano, neste caso referido ó ano 2025. Afortunadamente, en Monforte temos deporte dun excelente nivel en moitas modalidades deportivas con clubs e deportistas individuais que acadan grandes resultados tanto a nivel rexional, como nacional e algúns incluso mundial e eses resultados son froito de moito esforzo e sacrificio, motivo polo que, dende o Concello, queremos premiar e recoñecer, todo o traballo que fan os nosos deportistas”.
XURADO E RESULTADOS DAS VOTACIÓNS
Os membros do xurado, que presidirá o Alcalde José Tomé, estará formado ademais polo Concelleiro de Deportes, José Manuel Mougán e catro persoas máis relacionadas co deporte local, provincial ou autonómico. Terán como cometido analizar cada unha das candidaturas das diferentes categorías e escoller a cada un/unha dos/as galardoados/as.
O resultado das votacións do xurado darase a coñecer na Gala do Deporte con data que se coñecerá en vindeiras datas.
Para coñecer as candidaturas pódese acceder á información a través da páxina web do Concello de Monforte.
