Monforte acollerá unha competición de piragüismo a nivel de Galicia este domingo 27 de xullo, sendo o Club Quixós o anfitrión. A proba é a 3ª Copa Promoción Slalom da Liga Galega e participarán as xóvenes promesas de diferentes clubs de Galicia pola mañá a partires das 11:00 horas.

O circuíto fluvial estará situado no Malecón, entre a ponte pequena de madeira e a parte máis ancha de arboreda, e todos os deportistas participantes farán dúas mangas das cales se collerán os mellores tempos para decidir, despois, o medalleiro.

Como de costume, membros do Goberno Municipal achegaranse para facer entrega de medallas ao remate da competición.