Taboada acolle este domingo -26 de outubro- o II Ciclocrós Concello de Taboada, a terceira proba do calendario da Copa Galicia de CicloCrós, coa que colaboran o Concello de Taboada e Vicepresidencia da Deputación de Lugo.

O vicepresidente da Deputación da Lugo Efrén Castro particpou na presentación da proba, xunto a representantes do club, ao tenente de alcalde de Taboada Jose Portela, ao concelleiro de Cultura e Deportes Manuel Diéguez e ao presidente da Federación Galega de Ciclismo, Juan Carlos Muñiz. As pobas deportivas comezarán ás 10:00h.

Efrén Castro valorou “a aposta da área de Deportes de Taboada por organizar por segundo ano consecutivo esta proba do calendario galego de ciclismo, que ademais da relevancia deportiva ten tamén unha repercusión na dinamización da hostelería e na proxección turística da vila”.

Os representes municipais explicaron que “aproveitamos a experiencia adquirida o ano pasado para repetir como sede da Copa Galicia de Ciclocrós, que supón unha oportunidade para dar a coñecer o noso concello e para traer persoas visitantes á vila, ademais de promover a práctica do deporte”