Este domingo, 23 de novembro, o Centro Arqueolóxico Experimental de Atapuerca acollerá o Campionato de España de Campo a través por Clubs, un evento que une o considerado mellor cross do mundo co nacional máis multitudinario.
Na categoría sub16 feminina, o Club A Gándara presentará un equipo histórico formado por Sabela Nieves, Sara Pérez, Alba Lois, Alexia Sánchez e Claudia Carballal. As cinco atletas, que acadaron a primeira posición no Campionato Galego Escolar o pasado xaneiro, converteranse no primeiro equipo da historia da Gándara en clasificarse para un Campionato de España por equipos.
Desde o club destacan “o enorme esforzo e compromiso das nosas deportistas, que xa demostraron estar entre as mellores de Galicia. Estamos convencidos de que farán unha gran carreira o domingo ás 9:15 horas”.
Ademais, a expedición galega contará con:
- Ismael Rodríguez Nieves, atleta de Escairón, que competirá ás 9:35 h co equipo sub16 masculino da Atlética Lucense, club filial da Gándara.
- Iker Fernández, que participará a nivel individual na categoría sub20 ás 11:30 h.
Todas as probas poderán seguirse en directo a través de A8 (Castela e León TV) e en streaming na plataforma LaLigaSports TV. As dúas carreiras absolutas, conxuntas ao Cros Internacional de Atapuerca, serán emitidas tamén por Teledeporte
