A convocatoria recolle as seguintes categorías, Mellor deportista, masculino e feminino, Mellor deportista promesa, masculino e feminino, Mellor adestrador ou adestradora, Mellor árbitro ou xuíz, Entidade deportiva ou clube máis distinguido en canto á promoción do deporte durante o ano 2018 e Premio á deportividade e ó xogo limpo. A convocatoria establece a categoría de  Excelencia Deportiva que poderá conceder o xurado cualificador a aqueles candidatos que teñan un historial e uns méritos deportivos sobresaíntes.

As candidaturas poderán ser presentadas polos propios candidatos ou por terceiras persoas, estando o prazo aberto ata o 22 de febreiro no Rexistro Xeral do Concello.

As solicitudes deberán conter, obrigatoriamente, a seguinte documentación:

• Instancia de solicitude asinada polo interesado.
• No caso de optar ó premio de mellor deportista, absoluto ou promesa, e mellor adestrador,relación detallada dos logros deportivos conseguidos durante o ano 2018.
• No caso de optar ao premio a mellor árbitro, debe aportarse a relación detallada da súa actividade durante o ano 2018.
• Os clubes e entidades deportivas que opten ó premio á promoción do deporte deberán facer unha exposición de motivos na que consten as razóns polas que son merecedores do galardón.
• Para participar na categoría de premio á deportividade e ó xogo limpo, cómpre entregar unha memoria explicativa das actitudes de autoestima, cooperación, responsabilidade e tolerancia no deporte.
• Reportaxe fotográfica ou audiovisual dos atletas ou clubs participantes, en formato dixital.

En cada unha das categorías haberá un único vencedor que recibirá un trofeo acreditativo e todos os participantes recibirán un agasallo conmemorativo  do concurso. As candidaturas publicarase cando remate o prazo de solicitudes e os vencedores de cada categoría daranse a coñecer na Gala do Deporte.