O club Quixós de Piragüismo vén de rematar a tempada cunha exitosa participación no Campionato Galego Xunta de Galicia celebrado esta fin de semana nas augas do río tea, en Mondariz-Balneario.
O sábado 29 pola mañá disputouse na modalidade de Slalom, cunha climatoloxía protagonizada pola persistente e abondosa choiva, e e este domingo 30 tivo lugar a competición de Kayak Cross, nunha xornada matinal moito máis agradable con presenza do sol a media mañá.
En Slalom, o club Quixós quedou terceiro por equipos e acadou 9 medallas, unha delas en ‘patrullas’, modalidade na que compiten tres piragüistas por equipo. No apartado individual destacaron Noa Díaz e Sara Inés, acadando dous ouros e dúas pratas cada unha.
O club anfitrión, Tea de Mondariz, foi o campión galego.
MEDALLEIRO EN SLALOM
Sara Inés, ouro en C-1 e prata en K-1 junior; Noa Díaz, ouro en K-1 e prata en C-1 sénior; Martín Prats, prata en K-1 junior; Ximena, prata en K-1 sénior; Santiago Díaz, prata en K-1 veterán; Iván, bronce en K-1 veterán. E finalmente, bronce en Patrullas K-1 sénior: Iván, Diego, Efrén.
No que respecta á vistosa competición de Kayak Cross, o Quixós quedou segundo por equipos e destacando, como na xornada anterior, Noa Díaz e Sara Inés. As deportistas monfortinas quedaron tamén campioas galegas nas categorías sénior e junior, respectivamente.
O club anfitrión, Tea de Mondariz, foi o campión galego.
MEDALLEIRO EN KAYAK CROSS
Noa Díaz, medalla de ouro en sénior; Sara Inés, ouro en junior; Ximena Prats, prata en Sénior; Martín Prats, bronce en junior.
