A 26 edición da Carreira Popular de Monforte, que se celebrará este domingo 26 de abril a partir das 11.00 horas, alcanzou a cifra de 1.280 corredores e corredoras inscritas. Este dato fai que se supere a cifra de participación do ano 2018 que contou con 1.291.
“Nesta nova edición temos a cifra de participación máis alta desde a pandemia e prodúcese un salto cuantitativo moi importante respecto dos datos de 2025, xa que temos un aumento do 30% no listado de inscritos, o que fala moi ben da nosa carreira popular, sen dúbida, unha cita de referencia no calendario das carreiras populares galegas”, apuntou o Alcalde, José Tomé.
CORREDORES E PERCORRIDOS POR CATEGORÍAS
Mini (2022 e posteriores): 93
Prebenxamín (2019-2021): 250
Benxamín (2017-2018): 175
Alevín (2015-2016): 138
Cadete (2011-2012): 110
Absoluta (2010 e anteriores) 514
O evento, organizado polo Concello de Monforte a través da Concellería de Deportes, contará co seu tradicional percorrido de 10 quilómetros para a carreira absoluta, así como percorridos para as carreiras de categorías menores, en función da idade das persoas participantes.
A carreira absoluta, de 10.000 metros, discorrerá por un percorrido completamente urbano pasando polas rúas máis céntricas da cidade. Así mesmo, establécense catro probas dirixidas a menores, de 80, 700, 1.300 e 2.000 metros. Todas elas terán saída e meta na Explanada da Compañía, a carón dos Escolapios.
HORARIOS DE SAÍDA
- 11:00 h. MINI (2022 e posteriores).
- 11:10 h. PREBENXAMIN (2019-2021).
- 11:20 h. BENXAMIN (2017-2018).
- 11:30 h. ALEVIN (2015-2016).
- 11:40 h. INFANTIL (2013-2014) – CADETE (2011-2012).
- 12:00 h. ABSOLUTA (2010 e anteriores).
PREMIOS E DISPOSITIVOS DE TRÁFICO
Pode accederse a esta información dende a páxina web do Concello de Monforte.
