A delegación estivo encabezada polo adestrador, Ramiro Méndez, e a delegada, Antía Nieves, que guiaron a un comprometido grupo de once atletas. No apartado masculino, Nicolás, Alejandro, Alexandre, Mauro, Antón e Anxo competiron a un gran nivel en cada unha das súas probas. Pola súa banda, o equipo feminino estivo composto por Claudia, Elia, Martina, Amaia e Sabela.
A gran protagonista a nivel individual foi Claudia Álvarez Velasco, quen asinou un dobrete de prata memorable. A atleta alzouse co subcampionato en dúas disciplinas moi esixentes: a proba dos 1.000 metros en pista e a carreira de ruta, demostrando a súa polivalencia. O éxito colectivo redondeouse na proba de ruta, onde o equipo feminino, formado por Claudia, Elia, Amaia e Sabela, rozou o podio cun meritorio cuarto posto e o equipo masculino formado por Nico, Xandre, Alejandro e Mauro acadou a sexta posición
Con estes novos podios, o Club Atletismo A Gándara consolida unha traxectoria espectacular, logrando acadar medallas de xeito consecutivo nas catro últimas edicións dos Xogos do Eixo Atlántico. Desde o club felicitan a todos os atletas e técnicos “que defenderon con orgullo o nome de Monforte de Lemos. Estes resultados confirman a excelente saúde do noso atletismo de base e premian o sacrificio de toda a tempada”.
