A Asociación Cultural O Carballo de Taboada organiza un ano máis a Carreira Popular de Taboada “Entre pazos e carballos”, incluída no XII Circuíto Miño Ulla de Carreiras Populares. Este ano será o sábado 26 de setembro e terá tres percorridos para facilitar o encaixe a participación para todos e todas as interesadas.
A Proba Absoluta será de 10 quilómetros e comezará ás 18:00 h e á mesma hora sairá a outra, neste caso de 5 quilómetros. As Probas para categorías escolares comezarán ás 19:30 horas e haberá carreiras desde 100 ata 1.500 metros.
Todos os e as participantes recibirán un agasallo ecolóxico e poderán desfrutar dunha degustación de balde de produtos da zona. As inscricións deberán facerse na web www.championchipnorte.com antes do 24 de setembro. Para obter máis información tamén se pode contactar coa asociación organizadora no correo ac.ocarballo@gmail.com
