A organización da Quiroga Bike Marathon 2026 mantén aberto o prazo de inscrición e anima ás persoas interesadas a reservar canto antes o seu dorsal. Durante as próximas semanas ultimaranse os preparativos dunha edición que incorporará sorpresas e sorteos para os participantes.

A proba contará con dúas modalidades: A Bike Marathon e a Bike Extreme. A primeira terá un percorrido de 45 quilómetros e 1.300 metros de desnivel positivo, mentres que a Bike Extreme alcanzará os 65 quilómetros e 2.300 metros de desnivel.

Os dous itinerarios percorrerán carreiros e paraxes do Concello de Quiroga e da contorna do Xeoparque Montañas do Courel, cunha combinación de zonas rápidas, descensos e tramos técnicos.

A participación poderá realizarse de forma individual ou por parellas e non será necesario contar con licenza federativa. Ademais, a inscrición inclúe bolsa do corredor, seguro deportivo e cronometraxe con chip. As inscricións poden facerse accedendo á páxina web do evento: https://www.deporticket.com/web-evento/13251-quiroga-bike-marathon