Segundo apuntan desde o club, o principal obxectivo desta campaña é atraer á mocidade cara a un deporte que fomenta o traballo en equipo, o esforzo e o compañeirismo. Para garantir a máxima calidade formativa, o CB Lemavos estruturou unha ampla plantilla de adestradores. Todos eles son profesionais titulados e cunha dilatada experiencia nas canchas, que serán os encargados de guiar o desenvolvemento deportivo e persoal dos xogadores e xogadoras.
A pesar de que aínda faltan unhas semanas para o inicio oficial das competicións, dende o club destácase que o traballo interno
non cesa, “os grupos de traballo e a planificación dos adestramentos xa se atopan totalmente organizados, coa maquinaria
lista para comezar a tempada coas máximas garantías”.
Ademais, co obxectivo de axudar ás familias, facilitar o acceso ao deporte, e unificar a imaxe do club dende as categorías máis pequenas ata os maiores, o CB Lemavos anuncia unha importante vantaxe para esta campaña: “a cota de inscrición incluirá de xeito gratuíto a equipación oficial de xogo completa para cada neno e nena”.
O prazo para sumarse a este proxecto de canteira estará aberto ata finais de setembro. Para formalizar a inscrición, resolver
calquera dúbida ou solicitar máis información sobre o funcionamento dos equipos, o club pon á disposición das familias
as seguintes vías de contacto directas: teléfono / whatsApp (690 285 524), correo electrónico (cblemavos@gmail.com) e redes sociais (@cb.lemavos, Instagram, Facebook).
