O vindeiro Quiroga Trail Challenge celebrarase os días 20 e 21 de febreiro de 2027, mais este sábado 5 de setembro comezará a inscrición ás 20:00 h na propia páxina web do evento:
O Concello de Quiroga e o Montouto Club de Montaña preparan a 13ª edición da gran cita do trail running no noroeste peninsular esperando que se alcancen os 1.300 participantes, unha cifra límite para garatir a seguridade e a sustentabilidade da contorna. A comarca de Quiroga e o Xeoparque Mundial da UNESCO Montañas do Courel, espazo protexido na Rede Natura 2000, son os piares fundamentais do desafío. “Os seus vales, sendas históricas e crestas non só ofrecen un terreo técnico invernal de máxima esixencia, senón que sitúan a comarca como un referente do turismo deportivo sustentable”, comentan dende a organización ao tempo que engaden “o evento consta de dúas etapas independentes con distancias adaptadas a todos os niveis, dende atletas de ultra resistencia ata sendeiristas”.
SÁBADO 20 DE FEBREIRO: TRAIL DO CASTELO
Desafío Xeoparque 50 Km: 50 km | +2.800 m / -2.800 m (Semi-autosuficiencia)
Trail do Castelo 28 Km: 28 km | +1.650 m / -1.650 m (Semi-autosuficiencia)
Minitrail do Castelo 19 Km: 19 km | +1.100 m / -1.100 m (Semi-autosuficiencia)
A Carreiriña do Castelo 10 Km: 10 km | +400 m / -400 m (Autosuficiencia)
Andaina do Castelo 19 Km: 19 km | +1.100 m / -1.100 m (Camiñada non competitiva)
Andaina do Castelo 10 Km: 10 km | +400 m / -400 m (Camiñada non competitiva)
DOMINGO 21 DE FEBREIRO: TRAIL DO LOR FISIOSPORT
Minitrail do Lor 18 Km: 18 km | +1.250 m / -1.250 m (Autosuficiencia)
A Carreiriña do Lor 9 Km: 9 km | +600 m / -600 m (Autosuficiencia)
Andaina do Lor 9 Km: 9 km | +600 m / -600 m (Camiñada non competitiva)
MODALIDADE CIRCUÍTO (COMBINADA SÁBADO + DOMINGO)
Para disputar a clasificación xeral do Quiroga Trail Challenge e completar o reto por etapas, os corredores deben combinar obrigatoriamente as probas do sábado e do domingo:
| Modalidade | Sábado (Trail do Castelo) | Domingo (Trail do Lor) | Distancia Total |
| Circuíto Desafío | Desafío Xeoparque 50K | Minitrail do Lor 18K | 68 KM |
| Circuíto Trail | Trail do Castelo 28K | Minitrail do Lor 18K | 46 KM |
| Circuíto Mini | Minitrail do Castelo 19K | Minitrail do Lor 18K | 37 KM |
| Circuíto Carreiriña | Carreiriña do Castelo 10K | Carreiriña do Lor 9K | 19 KM |
| Circuíto Andaina 19 | Andaina do Castelo 19K | Andaina do Lor 9K | 28 KM |
| Circuíto Andaina 10 | Andaina do Castelo 10K | Andaina do Lor 9K | 19 KM |
COMPROMISO MEDIOAMBIENTAL
Fiel á ética do trail running, o evento aplica estrictos protocolos de residuo cero: balizaxe 100% reutilizable sen plásticos, prohibición absoluta de recipientes desbotables nos avituallamentos e recollida posterior do trazado a cargo dos corredores vasoira.
