Taboada acollerá en poucos días a coñecida Carreira Popular “Entre pazos e carballos”, proba que chega á súa XIII edición e que organiza a Asociación Cultural O Carballo. Forma parte do circuíto de carreiras populares do GDR Milo-Ulloa e conta, entre outros, coa colaboración da Área de Cultura e Deporte do Concello.
O evento constará de varias carreiras: Ás 18 horas terá lugar a carreira absoluta (10.000 m.) e a carreira de 5 quilometros, e ás 19:30 h. faranse as carreiras escolares (dende 100 a 1500 metros).
Os atletas disporán dunha zona de estacionamento nas inmediacións do Pavillón Deportivo Municipal e unha vez rematada a proba estarán a disposición dos corredores as duchas nas instalacións do Pavillón Deportivo Municipal.
As inscricións poden facerse antes do 24 de setembro na páxina web de CC Norte e para ampliar a información pode contactarse coa asociación organizadora a través do seu correo electrónico seguinte: ac.ocarballo@gmail.com
Dende o Concello de Tabaoada comunican que se publicará en vindeiras datas un bando informativo coas rúas afectadas que se cortarán mentres duren as probas. En todo caso, os cortes terán lugar pola tarde de 17:00 a 20:30 horas aproximadamente.
