InicioDeportesMonforte acolle dous campionatos de voleibol este sábado

Monforte acolle dous campionatos de voleibol este sábado

O Campionato galego Alevín e o provincial Benxamín traerán á cidade entre 1.200 e 1.500 persoas.

Publicado o

- Advertisement -

O Pavillón Municipal da Pinguela de Monforte será unha festa do voleibol este sábado 16 de marzo ao concentrar neste mesmo día dúas importantes competicións para os deportistas máis cativos que se dedican a este deporte, un dos que máis seguimento ten na cidade.

Na presentación oficial do pasado mércores o Alcalde José Tomé destacou que “este sábado estou seguro de que se poderá ver un auténtico espectáculo deportivo no Pavillón Municipal da Pinguela, xa que a instalación preparouse especificamente para o evento, instalando 9 campos de voleivol nos que se disputarán 9 partidos á vez ao longo da xornada do campionato”.

Por outra banda tanto a presidenta do C.V. Ribeira Sacra, Yolanda Maciñeiras, como o director deportivo agradeceron a boa disposición do concello para acoller estes campionatos o que supón concentrar por primeira vez en Galicia dous torneos e dúas categorías diferentes nunha única xornada deportiva.

Na presentación, o Director Deportivo da Federación Galega de Voleivol, Juan Carlos Suárez, subliñou o éxito en canto a participantes: 296 xogadores, 56 adestradores e 18 clubs, polo que se calcula a chegada de entre 1.200 e 1.500 persoas coa repercusión socioeconómica que isto pode supoñer para a cidade do Cabe.

Os campionatos comezarán ás 9:30 h. no Pavillón da Pinguela e os diferentes equipos enfrontaranse en 2 fases, unha primeira de liguiña e a segunda ata chegar á final na que se medirán os dous mellores de cada categoría. A entrega de premios está programada para as 20:30 h.

ÚLTIMAS

Degustacións comentadas na XXIV Mostra do Aceite de Quiroga

A recreación da elaboración tradicional no muíño de Bendilló e a venda do aceite...

O PP esixe o “arranxo inmediato” da estrada LU-P-2903 en Bóveda: “Xa non poden circular camións ou tractores”

Os deputados do Grupo Provincial Popular de Lugo esixiron ao presidente da Deputación, José Tomé, o "arranxo inmediato"...

A candidatura da Ribeira Sacra a Patrimonio Mundial recibe o apoio da Secretaria de Estado de Turismo

A Secretaria de Estado de Turismo, Rosana Morillo, mostrou o seu total apoio á...

A Deputación destina 2,46M€ para a mellora de estradas provinciais

Xunta de Goberno da Deputación de Lugo aprobou este venres a adxudicación, por un...