HomeEconomíaSaldos de final de inverno en Sarria

Saldos de final de inverno en Sarria

A Asociación de Comerciantes, Empresarios, Profesionais e Autónomos de Sarria -ACES-CCU Sarria-, prepara para a vindeira fin de semana, venres e sábado 28 e 29 de febreiro, a quinta edición do "Outlet de inverno".

Publicado o

- Advertisement -

O primeiro ano no que se organizou o “Outlet de inverno”, no 2016, contaron para esta iniciativa de dinamización do comercio local coa participación dun total de dezaseis comercios. Este ano o número de comerciantes alcanza os vinte e catro comercios.

Os establecementos comerciais asociados ofrecerán grandes descontos, terán unha zona “Outlet” con prezos “super-recortados” que proveñen do excedente desta tempada de inverno e tamén de stock existente de tempadas anteriores.

A boa acollida que ten entre o público esta actividade está provocando, segundo din os organizadores, que cada ano se sumen máis negocios e que a acción comercial se amplíe a dous días, venres e sábado, coincidindo co remate do mes de febreiro neste caso.

Baixo o lema “Recortamos os prezos“, o comercio de Sarria ofrecerá dúas xornadas nas que haberá moitos produtos onde escoller e a un prezo irresistible. Un distintivo visible nos escaparates, identificará os comercios participantes.

Cartel promocional

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...