HomeEconomíaCampaña "Sarria libre de COVID"

Campaña “Sarria libre de COVID”

O Concello de Sarria desenvolverá unha campaña para apoiar a hostalería e o comercio locais difundindo as medidas de seguridade e salubridade que se van adoptar nos establecementos comerciais.

Publicado o

- Advertisement -

A campaña “Sarria libre de COVID” busca, ademais de conseguir evitar contaxios no municipio, ofrecer confianza a todos os cidadáns para que poidan acudir aos negocios de Sarria con total seguridade. Para acadar este obxectivo impulsaranse medidas contundentes de desinfección de modo continuo.

O concello adquiriu varios xeradores profesionais de ozono para desinfectar con eles todos os locais que así o soliciten. Elixiuse o ozono porque é o maior desinfectante natural, é sostible medioambientalmente (tanto por redución de consumo de auga como da vertedura de substancias corrosivas e contaminantes), e ademais xa é utilizado en hospitais, hoteis, medios de transporte e outras instalacións públicas.

O servizo municipal de xeración de ozono prestarase aos negocios de hostalería e comercio de forma gratuíta e por persoal municipal e deixarase constancia no local, por medio dun elemento visible para o público, da data e a hora na cal se realizou a desinfección, ao obxecto de ofrecer seguridade. A desinfección será periódica, preferentemente semanal ou, como moito, cada dez días.

Rúa comercial de Sarria / Xornal de Lemos

A intención do Goberno Local de Sarria é manter reunións, en canto a situación o permita, con comerciantes e hostaleiros de cara a buscar novas medidas que se poidan levar a cabo para impulsar a recuperación destes sectores tan afectados pola suspensión da actividade. Para axilizar o proceso facilitan o mail concellodesarria@sarria.es aos titulares dos negocios interesados para que vaian contactando de cara a confeccionar un plan de actuación e comezar coas desinfeccións o antes posible.

Nesta liña de reanimación comercial tamén están mantendo contactos coas Asociacións de Municipios do Camiño Francés para estudar as medidas necesarias que axuden a recuperar o nivel de asistencia de peregrinos nos vindeiros anos, e estender a seguridade dos sarriáns a todos os/as visitantes do concello nun futuro.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...