InicioEconomíaAs axudas do Goberno central "deixan desprotexido" ao sector do viño galego

As axudas do Goberno central “deixan desprotexido” ao sector do viño galego

A Xunta considera que as axudas aprobadas polo Goberno central para o viño non serven en absoluto para o sector vitivinícola galego nin se adaptan á súa realidade, polo que terán “nula ou escasa” incidencia nesta comunidade, na que o sector dá de comer a máis de 13.400 viticultores e 479 adegas.

Publicado o

- Advertisement -

O conselleiro do Medio Rural solicitou que este tipo de decisións sexan previamente comentadas e consensuadas coas comunidades, de cara a unha mellor adecuación ás características de cada territorio. Segundo explicou José González os criterios empregados por Madrid non serven para o sector galego.

Así, o conselleiro sinalou que, aplicando ditos criterios técnicos, Galicia podería beneficiarse, como moito, dunha achega de 300.000 euros sobre un total de 90 millóns para o conxunto de España. Algo especialmente grave tendo en conta, ademais, que os viños galegos con Denominación de Orixe xeran arredor do 6% do valor engadido destas producións a nivel nacional, o que supón máis de 5 millóns de euros.

Pola tanto, advertiu González, o Goberno de España “marca unhas axudas extraordinarias sen ter en conta as especificidades das nosas explotacións, neste caso dos nosos viticultores e as nosas adegas”.

A maiores, a Consellería do Medio Rural considera tamén como outro despropósito a obriga establecida polo Ministerio de que os Consellos Reguladores teñan que reducir a produción nesta mesma vendima, diminuíndo os rendementos máximos por hectárea para vinificación. O Goberno galego critica a escasa marxe de tempo para actuar por parte dos consellos reguladores -que teñen de límite ata o 30 de xuño para comunicar estas decisión- e lamenta que un sector xa enormemente afectado pola covid-19 e anteriormente polos aranceis de Estados Unidos agora, aínda por riba, se vexa obrigado polo Estado a reducir a súa produción.

Por todos estes motivos, o conselleiro pediu ao Goberno que rectifique e lembrou que con estas políticas deixa desprotexido un sector que dá de comer a máis de 13.400 viticultores e 479 adegas, polo que demandou medidas como a posta en marcha de campañas de promoción do consumo de viño e a prol da súa comercialización, así como outras orientadas debidamente ás especificidades do sector galego.

ÚLTIMAS

Unha apertura de portas nun encoro pon en perigo a dous pescadores en Carballedo

Os pescadores puideron saír polos seus propios medios despois de pedir axuda ao 112...

Primeira xuntanza sobre “Comunidades de Montes Veciñais e en Man Común, Montes de Saberes”, o 24 de abril ás 16:30 no auditorio de Escairón

A actividade enmárcase no proxecto Comunidades Rurais Sostibles desenvolvido por Acción contra a Fame...

Os libros protagonizan varias actividades en Bóveda

O programa Ler Conta Moito trouxo este martes ata o Centro Sociocultural de Bóveda...

Mes dos Libros e das Letras Galegas na Biblioteca Municipal de Chantada

A primeira proposta será o 26 de abril ás 18:00h con Conta e canta...