InicioEconomíaImpulso ao comercio dixital para empresas agroalimentarias

Impulso ao comercio dixital para empresas agroalimentarias

O Grupo de Desenvolvemento Rural Ribeira Sacra-Courel vén de presentar un programa de apoio á dixitalización para axudar a este tipo de emprendedores na comercialización dos seus produtos.

Publicado o

- Advertisement -

Os tempos cambian, e con eles as formas de posicionarse e competir no mercado, pero a inesperada chegada da Covid-19 está acelerando a necesidade de adaptación ás novas formas de comercialización para saír adiante.

Nesta coiuntura chega un programa deseñado polo GDR Ribeira Sacra-Courel co obxectivo de apoiar a dixitalización das empresas agroalimentarias que forman parte do territorio de cobertura desta asociación. Un asesoramento que buscará que estas se adapten ás novas formas de comercialización a través da venda online e o posicionamento na rede.

Seguindo uns criterios mínimos -produto comercializable online, representación dos sectores e empresas de todos os concellos que compoñen o GDR, necesidades de mellora, recursos informáticos e competencias dixitais básicas- seleccionaranse 14 empresas agroalimentarias que serán as que poderán aproveitar esta formación en tres sesións con asesoramento individualizado a cada empresa.

Sesións formativas

A idea é que a primeira sesión sexa presencial e as seguintes no formato online, a través de videoconferencia co técnico asignado a cada empresa. Os asesoramentos faranse entre o 29 de setembro e o 29 de outubro en horario acordado entre empresa e formador asignado.

A maiores contémplanse outras sesións, con accións formativas grupais adaptadas ao nivel de dixitalización de cada peme e ás súas necesidades e recursos, e un premio. A empresa que mellor optimice e aproveite a formación será premiada cun pack consistente nun servizo que inclúe difusión en redes sociais do seu modelo de negocio dixitalizado e unha sesión individual para seguir afondando na dixitalización do seu negocio.

A participación no proxecto é totalmente de balde, para un máximo de 14 empresas participantes, debendo remitir unha ficha de adhesión asinada ao enderezo info@ribeirascracourel.es. O prazo para inscribirse remata o vindeiro 28 de setembro e pódese solicitar a devandita ficha no correo anterior ou a través dos teléfonos 982 874314 ou 609814925.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...