A D.O. Ribeira Sacra ten en marcha a campaña “Ribeira Sacra, o viño deste Nadal”. Ademais do concurso de fotografías que se está desenvolvendo na fanpage da Denominación, as próximas actividades serán as catas virtuais que imparte a sumiller, Mercedes González Rodríguez.
As catas desenvolveranse por streaming (Zoom, Youtube, Facebook, Instagram) os xoves 10 e 17 de decembro a partir das 19:00 horas. A participación na cata é aberta e de balde, pero é necesario inscribirse no correo comunicacion@ribeirasacra.org. A inscrición deberá realizarse as 24 horas antes de cada sesión indicando ademais que viño dos que se catarán é o que mercou o/a participante. Trala inscrición obterase unha ligazón de Zoom e de redes sociais para poder seguir a cata e deixar as preguntas ou comentarios que se desexe facer sobre o viño en cuestión.
O xoves 10 ás 19:00 h cataranse:
- Asolagados godello 2019 de Pilares de Belesar
- Imbrice blanco Summum 2019 de Rectoral de Gundivós
- Cruceiro Mencía 2019 de Ramón Marcos Fernández
- Almanova Mencía 2019 de Alma das Donas
- Diego de Lemos Mencía 2019 de Esther Teijeiro
- Peza do Rei Mencía 2019 de Adega Cachín
- Regina Viarum Mencía 2019 de Regina Viarum
- Tolo do Xisto Mencía 2017 de Tolo do Xisto
- Vía Romana barrica Mencía 2017 de Vía Romana
- Cuesta de los Olivos Mencía 2018 de Finca Míllara
O xoves 17 a las 19.00 h cataranse:
- Finca Cuarta godello 2019 de Rubén Moure
- Brandán godello 2019 de Algueira
- Décima Mencía 2019 de José Manuel Rodríguez González
- Casa Moreiras Mencía 2019 de Casa Moreiras
- Adega dos Beizos Mencía 2019 de Óscar González Rodríguez
- Mouro Mencía 2019 de Belarmino Compañía de Vinos
- Rectoral de Amandi Mencía barrica 2017 de Rectoral de Amandi
- Muras do Fortes Mencía 2019 de J. Antonio Fortes López
- Saíñas Mencía 2019 de Javier Fernández
- Sete Tolos barrica Mencía 2017 de Víctor Manuel Rodríguez.
Os viños para catar poden ser adquiridos en adega, tendas especializadas, supermercados ou a través de internet; na web de cada adega ou a través da cesta de compra á que se pode acceder desde a web da D.O. Ribeira Sacra.
O Consello Regulador da D.O. Ribeira Sacra convida a participar para compartir desde a casa O Sabor dunha Paisaxe e lembra que os vídeos destas catas en directo quedarán despois colgados nas diferentes redes desde as que se emitirá a cata.