Os días 18 e 19 de agosto, na Praza de Abastos de Monforte, celebrarase unha nova edición da Feira de Oportunidades organizada polo Centro Comercial Urbán.

Durante ambas xornadas, os asistentes ó evento, poderán adquirir artigos de moda, calzada, complementos e decoración, entre outros, a prezos rebaixados.

O horario do sábado será de 10:00 a 14:00 horas pola mañá e pola tarde, de 17:00 a 21:00. E o domingo de 11:00 a 14:00 e de 17:00 a 21:00 horas.

Por experiencia de anteriores edicións, a gran afluencia de público avala a realización deste tipo de mercados que son de gran apoio para a economía local. Estas xornadas teñen como obxectivo concienciar á xente da relevancia económica e social de mercar nas tendas de proximidade.