O Concello de Ribas de Sil acollerá o sábado 21 de agosto unha Feira de Artesanía e de Produtos Locais en San Clodio, concretamente na Praza do Concello.
A iniciativa parte da Asociación Tarabelada, asociación que leva varios anos ofrecendo a diferentes concellos a organización deste tipo de eventos dinamizadores da economía local. Ofrecida a posibilidade de realizar este mercado local ao concello de Ribas de Sil, este aceptou e concretouse a data antes comentada.
Está previsto que se instalen arredor de 16 postos, e cónstanos que xa confirmaron presenza: Artesanía Armaior, Queixos Touza Vella, Malas hierbas cosmética, Cecil Coiro, Diego Joyas, Mel Sacra, Enxógate, Licores Barbudos, Riomao joyery madera, Lana merina, Xabóns e terapias ‘En la Gloria’, Raquel xoiería en pedra, ‘Las cositas de Aurora’ e Caurelor.
