Exaltación da ‘vaca cachena’ en Taboada

Foi este pasado sábado nunha nova parada do programa Saborea a túa Provincia que impulsa a Deputación de Lugo.

Saborea a túa provincia en Taboada. Foto: Prensa Deputación de Lugo.

A Deputada de Réxime Interior, Promoción do Territorio e Turismo, Pilar García Porto, participou este sábado 13 de agosto nunha nova parada do programa Saborea a túa Provincia.

O Concello de Taboada acolleu, na Praza de Riazón, esta cita gastronómica e de lecer impulsada pola Deputación de Lugo que contou con demostracións culinarias, actuacións musicais e obradoiros de cociña para os máis pequenos.

Antonio Lorenzo, do restaurante A Faragulla de Chantada, elaborou un steak tartar de vaca cachena da gandería Cas Fidalgo con crocantes que fixo as delicias dos asistentes.

Rechouchíos de Taboada e Atlántica foron os encargados de poñer ritmo a esta xornada lúdica na Ribeira Sacra.

DEIXAR UN COMENTARIO

Please enter your comment!
Please enter your name here